Heal the world

Almal het seker gehoor van die nuutste Oostenrykse skandaal.  ‘n Pa van 73 het sy dogter van 1984 in ‘n kelder gevange gehou.  Hy het haar ma laat glo dat sy weggehardloop het – kastig.  In die tyd het hy 7 kinders van haar verwerk.  Een is kort na geboorte dood, 3 het by haar in die kelder groot geword en 3 het met ‘n briefie van haar voor die deur geëindig en deur haar ouers groot gemaak.  24 jaar het die siek moer daarmee weggekom, tot die oudste kind (19) siek geword het en hospitaal toe geneem is.  Dokters het haar mediese geskiedenis gesoek, wat nie beskikbaar was omdat sy in die kelder groot gemaak is.  Hy moes toe sy dogter en die ander kinders toe laat uitkom.

24 jaar.  Ons eie vermiste meisies is al omtrent 20 jaar weg.  Vermoedelik dood.  Gert van Rooyen en Joey Haarhof het tussen 1988 en 1989 6 meisies ontvoer wat nooit weer gevind is nie.  Die selfmoord van die 2 op 16 Januarie 1990 het ook niks gedoen om die tergende geheim op te los nie.  Die volgende ontvoerings is vandag nog onopgelos:  Tracy-Lee  Scott-Crossley van Randburg (1 Aug 1988), Fiona Harvey van Pietmaritzburg (22 Desember 1988), Joan Horn van Pretoria (7 June 1989), Odette Boucher Anne-Mari Wapenaar van Kempton Park (22 September 1989), Yolanda Wessels (3 November 1989)  is die 6 waarop die media altyd fokus.  Volgens Wikipedia was daar ‘n Janet Delport wat later gekry is en ‘n Rosa Piel ook deur Gert van Rooyen ontvoer.  Op 11 Januarie 1990 het van Rooyen die verkeerde meisie ontvoer.  Hy het haar bedwelm, geboei en onsedelik aangerand is.  Van Rooyen het haar in ‘n kas toegesluit waaruit sy ontsnap het en die polisie in kennis gestel het. 

Wat het van die kinders (9 – 16, almal ouer as ek) geword?  As daar genade vir hulle was, is hulle seker dood.  Maar hoe?  Was hulle dalk ook in ‘n kelder gehou waar hulle later van die honger omgekom het?  Was hulle vermoor?  Was hulle dood gemartel? 

Persoonlik dink ek hulle lewe nog.  Ek weet nie of hulle nog in Suid Afrika is of iewers in harem nie, maar Carte Blanche het nie hulle bene opgespoor nie.  Ek sal dit bly glo, tot dit oneenseglik bewys word dat hulle dood is.  En ek aanvaar nie ‘n siener se woord nie.  Vergesog?  Ek glo nie, kyk na Oostenryk.  Was daar ooit in Oostenryk na hulle gesoek?  Dalk is dit die rede hoekom hulle nooit gekry is nie. 

Veronderstel die meisies word more ontdek word.  Die jongste een is 29 (Rosa Piel) of 31 (as ‘n mens op die 6 fokus wat die media altyd wys).  Die afgelope 20 jaar, het die wêreld baie verander.  Hulle het nooit skool klaar gemaak nie, hulle het geen werksondervinding nie.  Hulle kan nie bestuur nie en weet nie van selfone, internet of van ‘n Nuwe Suid-Afrika nie.  Dit moet ‘n baie traumatiese ervaring vir hulle wees om met hulle gesin herenig te word.  Jou ma en pa is geskei, jy het dalk ‘n boetie of sussie waarvan jy nie geweet het nie of jou broer het iemand vir die leeus gevoer.  Sal hulle ooit weer in ‘n normale lewe kan inpas.  Sal hulle ‘n toekoms hê?

Wat dink julle het van die meisies geword?  Hoe sien julle hulle toekoms?

Blogvraag:  Wie was die meisie wat van Van Rooyen ontsnap het en die polisie op sy spoor gesit het?

Blogantwoord:  Sam se ma was reg met Naledi Pandor.