Agter elke man

‘n Dekade of vier gelede was meisies universiteit toe gestuur vir 2 redes.  Om ‘n man te vang wat dit ver gaan bring en om nie dom te klink as jy met sy hooggeplaaste vriende praat nie.  As jy onsuksesvol was moes jy maar gaan skool gee het en gehoop het jy kry nog ‘n kans. 

As ‘n argief kommitteelid in die koshuis, het ek toegang gehad tot jare en jare se notules en verslae.  In die 60’s en selfs 80’s was daar baie gekonsentreer op Alumni se huwelike.  So het Mevv.  Anton Rupert en Harry Oppeneimer self meer erkenning geniet as Marga van Rooy en -ek hoop ek onthou reg- Rina Bester (destydse Minister van Gesondheid), vroue wat uit eie reg bekend was. 

Dit was nie sonder rede dat die vroue agter die suksesvolle mans erken was nie.  Hulle het immers groot aanspraak in hulle mans se sukses gehad.  In die verlede is mans deur hulle vroue gemaak of gebreek.  Waarvoor sou Karl Benz vandag bekend gestaan het, as Mercedez nie met die kinders in sy speelding gaan toer het nie.  Dit is seker vandag nog waar.  Behalwe dat vroue besef het hulle kan self groot hoogtes kan bereik.  Mense het hulle natuurlik die erkenning daarvoor gegee wat hulle verdien het.  Jy kan immers nie as ‘n rolmodel voorgehou word, net omdat jou man goed doen nie.

Daar was al vrae gevra oor seker ontdekkings / kunswerke deur meneer gedoen was soos die geskiedenis dit voorhou.  Was dit nie dalk Mevrou agter die skerms nie?  Terwyl ek stambome nagevors het, het ek gewonder hoekom Mugabe nie sy seun in ‘n politieke pos indruk nie.  Ek het bietjie gaan ondersoek instel en die volgende ontdek.  Mugabe se eerste vrou is in 1992 in nierversaking dood.  Hy is in 1996 weer ‘n keer getroud, met Grace Marufu, 40 jaar jonger as hy.  Van 1998 is Zimbabwe op die afdraande pad.  Hoekom?

Sally Hayfron is nogal ‘n merkwaardige vrou.  Gebore in Ghana, was sy van jongs af in die politiek geplant.  Sy het in 1961 met Mugabe getroud.  In 1966, terwyl Mugabe in die tronk was, sterf hulle enigste kind aan serebrale Malaria.  Sy moes hom alleen begrawe.  Na ‘n paar jaar in London, kon sy eers in 1975 by Mugabe in Maputo aansluit.  Sy het in 1978 weer aktief aan politiek deelgeneem, meestal onder Zanu-PF se Vrouevleuel.  Sy was Amai genoem, moeder van Zimbabwe. 

Wat ek nou sê kom alles uit my duim uit.  Dit mag dalk waar wees, maar moet my nie aanhaal nie.  Ek het niks om dit mee te staaf nie.  Mugabe was lank as die redder van Zimbabwe beskou.  Hy is selfs deur Britanje tot eervolle ridder geslaan, al was hy nie ‘n volwaardige “Sir”.  Dit is eers in 2008 onttrek.  Na Hafron se dood het Zimbabwe stadig agteruit gegaan.  Na sy tweede huwelik het net inflasie gegroei.  Het sy eerste vrou hom aangemoedig om die beste man te wees wat hy kan wees?  Sy was dalk die eindlike regeerder van Zimbabwe gewees, sonder dat iemand dit besef het. 

Na Hayfron se dood het Mugabe min of meer beheer behou.  Hy het 2 kinders by Marufu verwek voordat hy met haar getrou het.  Marufu hou baie van inkopies doen, sy gee geld vinniger uit as wat die reserwe bank kan druk.  Geldelike steun van Britanje het ook in 1997 opgedroog.  Die res is geskiedenis.  Is Marufu dalk die oorsaak van Zimbabwe se val?

Tot watter mate is Mugabe ‘n marjonet in sy vroue se hande.  Hayfron was vir die mense, Marufu vir haarself.

Nuttelose inligting.  Hayfron was moontlik van 1977 ‘n CIA agent gewees.  Sedert 1981 het Dr Berwind, ‘n CIA dokter, haar behandel vir haar niere wat besig was om in te gee.  VSA het dalk meer van haar rol geweet in die bestuur van Zimbabwe as die res van die wêreld.

Blogvraag:  Grace Marufu word snedig 2 titels toegesnou.  Wat is die twee titels?

Blogantwoord:  Weeskjind was reg met Serebrale Malaria.