My karakterfout

Roer het ‘n blog geplaas of die huwelik ‘n natuurlike instelling is.  Ek het onlangs ‘n berig gelees waar ‘n land wetgewing oorweeg het om ‘n huwelik na 7 jaar te ontbind.  Daar is meer tweede huwelike wat geslaagd is as eerste huwelike.

Ek het ‘n karaktereienskap wat ek altyd gedink het in my guns tel.  Dit is lojalitiet.  Deesdae is dit iets wat met minagting bejeën word.  As jy dit durf waag om langer as 5 jaar vir een maatskappy werk, is jy iemand wat nie van verandering hou nie.  Moenie dit waag om jou brood te koop by die winkel wat altyd vir jou goeie diens gegee het nie, dan lewe jy in ‘n kokon.  Dit is stiksienig om in dieselfde kerk te bly as waarin jou ouers jou gedoop het.  Trou jy met die verwagting om nooit te skei nie, is jy naief.  Getrouheid is iets wat in ‘n vorige eeu moes agterbly.

Dit is nou al algemene kennis dat Adriana Magrieta Swanepoel bang is vir verhoudings.  Nog elke keer as ‘n man dinge wou verder voer, het ek my los gewikkel uit wat mag wees.  Vandag sal ek julle vertel hoekom.  Julle mag maar lag en sê dat ek in ‘n droomwêreld lewe.

Ek dink dit is oneerlik om in ‘n verhouding betrokke raak, as jy nie bereid is om die verhouding voluit (dws tot ‘n huwelik) te voer nie.  ‘n Verhouding is wel ‘n kans om te sien of ‘n huwelik gaan werk en jy kan eerbaar onttrek as dit nie werk nie.  Hoekom tyd in ‘n verhouding mors as jy vooraf weet dit gaan nie tot ‘n huwelik vorder nie?  Die dag as ek voor God trou sweer, gaan ek my beste probeer om aan my woord gestand te doen.  Daarom moet ek vooraf seker maak dat ek vir die man vir die volgende 50 of 80 jaar kans sien. 

As ek ooit eenkeer trou, gaan dit net eenkeer wees.  Ek weet ek sal net trou aan een man kan sweer.  Indien my wil nie geskiet nie, sal ek myself nooit weer in ‘n huwelik begeef nie.  Julle glimlag seker nou meerwaardig, maar dit is regtig die tipe mens wat ek is.  Ek vat lank om vriendskappe te vorm, maar wanneer dit daar is, is dit daar tot die graf.  My oumagrootjie wat vir amper 40 jaar ‘n weduwee voor sy dood is.  My ouma was vir 28 jaar ‘n weduwee met haar dood.  Net die bewys dat ek amper 30 was en nog nooit in ‘n verhouding nie, wys dat ek nie die saak ligtelik benader nie.

Ek gaan hier afsluit.  Die troeteldierwinkels is oop en ek moet ‘n swart kat en kanarie gaan koop.

Blogvraag:  Wat is die simboliek agter “something old”?

Blogantwoord:  Sam was reg, die geloof is dat jou daar ‘n aar (vena amoris) is wat jou linkerringvinger tot jou hart loop.  Ek weet nie of die waar is nie.