Bladskud

Langenhoven het eenkeer ‘n man in die hof verdedig.  Hy het die saak gewen.  Die man wou hom met ‘n handdruk bedank het.  Langenhoven het geweier om sy hand te neem.  “Dit is erg genoeg dat ek jou moes verdedig het, ek hoef nie nog jou hand ook te skud nie.”

Almal van ons gaan op een of ander stadium met iemand bladskud.  Dit is gewoonlik as ‘n groet, veral wanneer jy aan iemand voorgestel word.  Ek het al mense teëgekom wat dit weird beskou as vroue handskud.  Ek sien glad nie die weirdness nie.

Die handskud het blykbaar ontstaan as ‘n teken dat daar geen wapen in die hand is nie.  Vandag is dit nie meer regtig van toepassing nie.  Daar is wel baie mense wat ‘n persoon se karakter oordeel aan die manier waarop daar handgeskud word. 

Mans is seker in die geval die kenners.  Hulle skud meestal hand, met die meerderheid kollegas en as ‘n groet hulle manlike vriende en familie daarmee.  Ek verstaan dat die manner man die een is wat die hardste druk.  Baie mans gaan ook voluit om die wit waks uit ‘n ander een te druk.  Daarmee stem ek nie saam nie.  Daar is die wat met ‘n pap slap handjie groet.  Dit irriteer my, so ek kan verstaan dat die mans hulle dan hard druk. 

Vrouens skud basies net hand wanneer hulle aan iemand voorgestel word, in vergaderings en in die kerk.  In my ervaring in elk geval.  Ek kan nie dink dat ek al ‘n probleem met ‘n ander vrou se handskud gehad het nie.  My ander probleem met mans is dat hulle gewoonlik jou vingers, in plaas van jou hand, druk.  Ek weet dit is hoe ‘n heer geleer word om dit te doen.  Ek dink wel ook dat dit ‘n man was wat dit uitgedink het.  Vingers is gewoonlik ringe aan en dit draai.  Al word die vingers sag gedruk, maak so ‘n ring steeds seer.

Persoonlik glo ek ‘n handruk moet stewig wees, ongeag die geslag van die persoon. 

Die mens is seker gemaak om aan ‘n ander mens te raak.  Hoekom anders is ‘n doodgewone groet nie goed genoeg nie?  Hoe voel julle oor bladskud?  Enige staaltjies of irritasies?

Blogvraag:  Wie het bladskud aan die Westerse wêreld bekend gestel?

Blogantwoord:  Tom Bundy