Thank you for the music

Jy lees beslis nie die blog as jy nie weet wat my twee gunsteling bands is nie.  My hart se punt is egter onbetwisbaar ABBA.  As jy my bloeddruk deur die dak wil jaag, laat iemand ‘n ABBA song cover.  Ek weier selfs om die Mamma Mia CD te koop, ek het my eie Mamma Mia CD gemaak.  Mamma Mia as sung by ABBA.  Nee, dit is nie te koop nie.

ABBA is ‘n Sweedse Popgroep wat in 1974 die Eurosongvision Kompetisie met Waterloo gewen het.  Hulle was twee jaar te vore tweede met Ring Ring.  Die groep was oorspronklik bekend as die Engaged Couple, omrede hulle twee paartjies (wat later getroud en geskei is) was.  ABBA is ‘n akroniem vir die 4 lede se name:  Agnetha wat met Bjorn getroud was en Benny wat met Anni-Frid saam gewoon het.  Mamma Mia, was in 1975 die lied wat bewys het dat ABBA nie net ‘n one hit wonder was nie.

ABBA was onwillige supersterre, lief om op te tree en te sing, maar het die aandag en reis gehad.  Hulle was nouwel nie die eerstes wat musiekvideo’s gemaak het nie, maar hulle het musiek video’s tot volle potensiaal gebruik.  Dit was ‘n skakel om bewonderaars te werf en gewild te bly, sonder om te veel van die huis af te wees.  Dit moes gewerk het, ABBA is vandag die kunstenaar/groep wat die derde meeste CD’s verkoop het.  Glad nie sleg as ‘n mens in aanmerking neem dat hulle net 10 jaar lank saamgesing het nie.

Ek speel al lank met die gedagte om ‘n blog oor ABBA te skryf.  Tannie Roer het al en ek wil nie hê die mense moet dink ek na-aap haar nie.  Wat ek nou gaan sê kom uit my duim uit.  Ek vors ABBA al langer as 15 jaar na. 

ABBA is ‘n groep wat sukses behaal het omdat die publiek gek was oor hulle.  Vandag nog kan hulle kleredrag afgekraak word, maar niks kan oor hulle musiek gesê word nie.  Bjorn en Benny se tweede (moontlik self derde of vierde) taal was Engels.   Ek kan net my hoed vir hulle afhaal oor die kwaliteit van hulle lirieke.  Tog word ABBA dikwels afgeskiet die die musiekwêreld.  Daar is byvoorbeeld besluit dat hulle nie ‘n plek in die Rock & Roll Hall of Fame verdien nie.  Die sogenaamde gesofistikeerde musiek kenners trek ook hulle neuse op.  ABBA liefhebbers is of oudtyds, weird (as jy vroulik is) of gay (as jy manlik is).

Hoekom?  Ek dink dit is omdat ABBA vandag nog baie privaat is.  Hulle het nie skandes gemaak nie en hulle het nie gedink hulle is ‘n geskenk van die gode nie.  Ek het al ‘n video gesien hoe hulle hulleself grimeer en hare doen voor ‘n konsert.  Hulle het ook nie probeer om die wêreld te verander nie.  Hulle het mense vermaak en gedoen wat van hulle verwag is.  Hulle het dus nooit kult status verkry nie en daarom ook nie die respek wat hulle verdien nie.

Maar wag:  I’ll let the music speak.  Hole in your Soul is een van hulle meer onbekende liedjies.

When I kiss the Teacher was een van die wat almal ken, maar wat nie Nr 1 in die VK gekry het nie.

Dancing Queen was die enigste Nr 1 in die VSA.  Sing kliphard saam.

Blogvraag:  Wie was ABBA se bestuurder?

Blogantwoord:  Willes was reg.  Kyk die prentjie op die vorige blog.

Sommer vir die lekker, Slipping through my Fingers, wat baie min mense in die fliek geken het.