Slagspreuke

Alle besighede waarvan ek weet het ‘n slagspreuk.  Een wat die kern van hulle besigheid (of die grootste lieg in hulle besigheid) saam vat.  So is Toyota byvoorbeeld “Lead the way” en Pick ‘n Pay “Inspired by you.”  Baie blogs het ook ‘n slagspreuk, Dorings se slagspreuk is “Die lewe met asyn.”

Ek moes in Kommunikasie ‘n CV geskryf het.  My CV het iets gehad wat bo die ander uitgestaan het.  Ek het vir myself ‘n slagspreuk gegee.  Julle is darem veilig ek gaan dit nie hier herhaal nie.  Daardie slagspreuk was gepas vir die mens wat ek toe was.  Ek het darem gegroei en kan seker nou met iets beters vorendag gekom.  Ek het ook intussen besluit om die persoonlike-ek en die besigheid-ek van mekaar te skei.

As jy vir jouself ‘n slagspreuk moet gee, wat sal dit wees?  En hoekom?  Ek tag hiermee vir Sonkind, Pikkelik, Wipneus, Roer en Zee om dit met ons te deel.  Diegene wat nie blogs het nie, kan ons sommer hier vertel.  Kom ons noem dit ‘n selfbeeld oefening.  As jy nie vir jouself lief is nie, wie anders gaan wees?

Die persoonlike-ek se slagspreuk.  Dit word onderstebo geskryf, elke letter in ‘n ander kleur.  “Die Praktiese Dromer.”  My kop is juis altyd in die wolke, maar wat waar party mense van beter weet as om hulle drome aan te pak, glo ek niks is onmoontlik nie.  Ek sal probeer om my wildste drome te bewaarheid.  Die prakties verwys ook dat ek nie net my lewe omdroom.  Onderstebo, omdat ek nie soos die res wil wees nie.  Verskillende kleure want ek dink nogal dat ek ‘n wye belangstellings veld het.

Dink julle dit is sommer net wensdenkery, of is daar meriete in my denke.

Blogvraag:  Waar het die stigters van Google geswot?

Blogantwoord:  Sam was reg met Magaret Thatcher.