One Hit Wonders

Hier was ‘n bietjie lank laas op die blog gesing.  Wikipedia definieer ‘n One Hit Wonder as ‘n kunstenaar wat net een single treffer gehad het.  Die liedjie is gewoonlik vir ‘n kort tyd baie gewild, maar vervaag dan tot Jacaranda fm dit uitkrap as ‘n pump it or dump it song.  Ek definieer dit as ‘n enkel treffer van ‘n groep wat die toets van tyd geslaag het.  ‘n Lied wat mense jare later nog steeds ken, al was dit ‘n treffer voordat jy gebore is.

Kom ek gee ‘n voorbeeld.  Ek dink Van Morrison is ‘n one hit wonder.  Ek het die naweek ‘n CD van hom gekoop net om Brown Eyed Girl in die hande te kry.  Ek kon nog nooit ‘n goeie compilation CD kry met die lied op nie.  As ek Gloria Gaynor gaan noem, sal baie mense met my stry.  Ja, sy het baie treffers gehad lank voordat ek gebore is, maar is meer van hulle blywend as “I will survive”?  Almal ken dit, almal is mal daaroor en dit maak enige dansvloer onmiddelik vol. 

Kom ek gee vir julle ‘n paar voorbeelde van my gunsteling One Hit Wonders.  Eye of the Tiger – Survivor, deur Rocky bekend gemaak en kry nog steeds lugtyd.  Sam se gunsteling, The Weather Girls se “It’s raining men”.  Wie van julle ken almal “And then I got High” van Afroman, “Who let the dogs out” van Baha Men of Macarena van Los Del Rio.  Ek is seker Tainted Love lui by baie mense ‘n klokkie, sonder dat hulle weet dat Soft Cell dit gesing het.  Ek is mal oor Shangri Las se “Leader of the Pack”, Toni Basil se “Mickey” en “Kung-fu Fighting” van Carl Douglas.  Voordat iemand my van diskriminasie aankla, moet ek Vanilla Ice se “Ice Ice Baby” insluit.

One Hit Wonders verskil van land tot land en selfs van streek tot streek.  Abba kan as ‘n One Hit Wonder in Amerika gesien word met Dancing Queen, maar as ‘n Supergroep orals anders in die wêreld.  So kan ‘n liedjie in Kaapstad vir ‘n ruk lank groot aftrek gekry het, terwyl die res van Suid-Afrika gedink het dit suig.  Ek kan op die oomblik nie aan een Afrikaanse One Hit Wonder dink nie, maar dalk het julle ‘n paar nominasies.  Al ken julle nie die lied of die kunstenaars wat ek genoem het nie, is ek seker almal sal dit erken as hulle dit hoor.

Het kunstenaars meer nodig as net daardie een Treffer?  Ek dink nie so nie.  Alles ekstra is ‘n bonus, maar jy het jou doel bereik as jy een liedjie agter laat wat verewig sal voortbestaan.  Dan het jy jou merk op musiek gemaak en immortal geraak.

Watter liedjies het ek vergeet en wat is jou gunsteling One Hit Wonder?  Hier is my gunsteling:

Blogvraag:  As wie is Gabriele Susanne Kerner beter bekend?

Blogantwoord:  Sam was reg met Anne Bonny.  Ek sê julle, ek het seerowerbloed in my are.  Hoe meer name ek ontdek, hoe meer daarvan is in my familie.