Die Seerower Koningin

Tannie Roer het nou die dag genoem dat sy mal is oor seerowers.  Ek dink ook hulle is cool, almal weet van Kaptein Swartbaard en Kaptein Rooibaard.  Vandag gaan ek julle van my gunsteling seerower vertel. 

Grace O’Malley is in 1530 gebore, die enigste dogter van Eoghan Dabhdara O’Malley en Magaret O’Malley.  Sy het wel ‘n ouer half broer gehad, Donal na Piopa.  Haar pa was die hoof van die O’Malley Clan, dus was Grace van koninlike afkoms.  Die O’Malleys was seevaarders gewees en het mense wat in hulle gebied visgevang het belas.  Grace staan ook bekend as Grainne Mhaol, nadat sy as jong meisie haar hare afgesny het om saam met haar pa na Spanje te vaar.  Haar pa het verduidelik dat haar lang hare in die toue sou vas sit en deur dit te sny het sy hom in ‘n groot genoeg verleendheid gestel om haar saam te neem.

In 1546 het Grace met Donal an-Chogaidh O’Flaherty getrou, om die O’Malleys en O’Flaherty clans te verenig.  Saam het hulle drie kinders gehad.  Owen, die oudste seun was deur Richard Bingham (Grace se vyand) vermoor.  Magaret het goed in haar ma se voetspore gevolg.  Sy was getroud en haar man het dikwels Grace se lewe gered.  Murrough was ‘n seksis en het nie sy ma se gesag erken nie.  Nadat hy met Bingham ‘n venootskap gesluit het, het Grace gesweer om nooit weer met hom te praat nie – behalwe wanneer sy hom kon beledig.  Donal is op die slagveld dood, waarna terug is na die O’Malley gebied, met heelwat O’Flaherty volgelinge wat aan haar lojaal was.

Grace het met haar tweede man, Yster Richard-an-Iarainn Burke, getroud om sy kasteel in die hande te kry.  Na 1 jaar het sy seker gemaak sy is gevestig in sy kasteel en het hom vanuit die venster ontslaan.  Die Rockfleet kasteel het vir eeue in die O’Malley familie se besit gebly.  Ten spyte van die sogenaamde egskeiding, was hulle nog steeds minnaars en bondgenote.  Hulle het een seun, Tibbot Burke, saam gehad.  Grace was ook in buite egtelike verhoudings gehad waaruit daar ‘n seun gebore is.  Dit is egter ook moontlik dat dit Burke se seun was.  Die seun was na gerugte op see gebore.  Grace was onder in die buik besig om die baba te voed toe haar manskappe in ‘n geveg met ‘n ander skip betrokke raak.  Op ‘n stadium het hulle te veel geraas en Grace is op boontoe om hulle stil te maak.  (Die baba wou seker nie slaap nie).  Vrou alleen het sy die geveg stopgesit.  Wat seker baie van haar humeur sê.

Grace was haar vader se enigste erfgenaam.  Selfs in haar eerste huwelik het sy ‘n vloot gehad vir internasionale handel.  Donal het ‘n fort van die Joyce Clan oorgeneem wat na aanleiding van sy houding die “Cocks Castle” genoem is.  Na sy dood het hulle gedink hulle kan dit weer oorneem, maar Grace het hulle met geweld van die plan laat afsien.  Daarna was die kasteel herdoop na “Hen’s Castle” en staan vandag nog so bekend.

Galway het in die tyd vir Grace van seerowery beskuldig.  Die stad het mense wat in hulle hawens handel gedryf het belas.  Die O’Malley en die O’Flaherty skepe wat in hulle gebied gevaar het ook belas.  Die belasting kon in kontant of as deel van die vrag betaal word.  Wanneer betaling geweier is, het Grace hulle dit met geweld geneem.  Grace het ook skepe buite haar gebied en forte op land aangeval. 

In 1576 het Grace ‘n hoflikheids besoek aan Graaf Howth gebring.  Sy was in kennis gestel dat die familie eet en die hekke was in haar gesig toegeslaan.  Sy het die graaf se seun ontvoer.  Hy is vrygelaat nadat Howth belowe het dat sy hekke altyd vir besoekers sal oopstaan en dat daar altyd ‘n plek gedek sal wees vir onverwagte besoekers.  Die verbond is verseël met ‘n ring wat Howth aan Grace oorhandig het.  Beide die ring en die tradisie in vandag nog in die onderskeie families se nageslag. 

Grace het seker die meeste bekendheid verwerf na haar besoek aan Koningin Elizabeth I in 1593.  Sy het geweier om voor die Engelse koningin te buig omdat sy as koningin van Ierland haar gelyke was.  Die doel van die besoek was om Bingham uit sy pos te verwyder en Grace se broer en seun uit die Engelse gevangenskap te kry.  Grace het belowe om nie die Ierse rebellie verder te steun nie.  Tydens die besoek het Grace die hof geskok omdat sy die sakdoek wat die koningin vir haar gegee het in die vuur gegooi het.  Grace het verduidelik dat hulle dit in die Ierse hof doen, omdat die sakdoek nou vuil was.  Die gesprek was in Latyn gevoer, Grace (wat Engels, Spaans, Skots, Galies en Frans magtig was) het geweier om Engels te praat en die Koningin kon nie Galies praat nie. 

Omdat Elizabeth nie haar ooreenkomste nagekom het nie, het Grace weer na haar rebellie terug gekeer.  Sy is waarskynlik in 1603 in die Rockfleet Kasteel dood. 

Blogvraag:  Watter ander Ierse Seerower was die buite egtelike dogter van Mary Brennen en William Cormac? 

Blogantwoord:  Sam was reg, Mary was Tom se niggie.