Geldmaak dreams, schemes and ideas

Ek het amptelik besluit dat ek voltyds wil blog.  Aangesien daar nie ‘n meneer Adrie is nie, moet ek nou maar  vinnig ryk word.

Daarom gaan ek die Dorings en Rose kroeg oopmaak.  Dit gaan ‘n skemerkelkiekroeg wees, waar al die kelners mans natuurlik is.  Ek het nog nie finaal op werksdrag besluit nie, maar dit sal iets soos skoene en ‘n goedpassende denim wees.  Dit is al, nie eers ‘n strikdas verder nie.  Ons het vier kelners so ver ingedagte, maar daar sal beslis meer nodig wees.  Ek sluit ‘n paar foto’s in.

Daar is basies 3 maniere om jou voete in die kroeg te kry. 

1. Wees ‘n erkende blogger hierso.  Dit help as ons jou aansoekvorm het.
2. Bring jou eie kelner wat aan die kommittee se vereistes voldoen.  Ons is maklik, nie goedkoop nie.  Solank die kelner ons laat kwyl en nie kots nie, is hy (lw – hy) aanvaarbaar.
3. Betaal toegang van R200 per kop. 

Ongelukkig is die drank nie by die toegang ingesluit nie.  Salome sal steeds vir verversings sorg.  Dit is egter net die eerste fase van die besigheid.  Fase 2 sal Dorings en Rose verdeel.  Dorings sal net vir die wat vroue verkies wees en Rose net vir die wat mans verkies.  Met ‘n dansvloer en Restaurant in die middel.  Maar eers moet ek kapitaal opbou.  Diegene wat nie van mans hou nie, moet net ‘n klein bietjie vasbyt.

Watse wonderlike entrepeneursprojekte het julle?  Veral die wat net in julle drome sal werk.

Blogvraag:  Wie was die jaar die sexyste man op die Cosmopolitan 100?

Blogantwoord:  Sam was reg met Lucy Lawless.