Hoe om te ry in Gauteng

Ek hoop daar is hare op jou tande.  Regte hare, nie fungi omdat jy nie weet hoe om ‘n tandeborsel te gebruik nie.  En dat jy van chicken speel hou?  Indien nie, bid dat die Gautrein vinnig klaar kom.  Ry in Gauteng is nie vir sussies nie.

Eerstens, alle BMW’s word verkoop met ‘n sertifikaart dat die pad in hulle eienaars behoort.  Aanvaar dit net, niks gaan dit verander nie.  Golf bestuurders is windgat, grin en bear.  Dit is al genade.  Putco busse is groter as jy, jy moet respek daarvoor toon.  Anders gaan hulle jou respek op die harde manier leer.  Gauteng is ‘n demokrasie, waar die meerderheid gelukkig gehou moet word.  Dit is op enige stadium taxi’s, daar is meer passasiers in.  Weereens, aanvaar dit.  Dink mooi gedagtes.

Gautengers is haastig, ons het places to see, things to do and people to visit.  Spoedgrense is verkeerd aangedui, tel ten minste 20 km per uur by.  Let op as die karre voor jou rem, daar is of ‘n kamera of ‘n kakiemonster.  Jy is in die land van Gautengers, maar soos ‘n Gautenger.  Moet nie sonder waarskuwing voor iemand insny nie, hulle is dalk besig om epos te lees en sien jou dalk nie betyds nie.

Kom ons praat nou oor plekke waar jy moet stop.  Toegeeteken beteken jy gee net toe as jy nie vir die aankomende kar kan wegry nie.  Stopstrate werk dieselfde as toegeetekens.  Jy stop net as daar motors of kakiemonsters is.  Dan Robotte, kom ek verduidelik hoe dit werk.  Groen is ry, oranje is ry vinnig, rooi is ry nog vinnig, want as die ander kant groen is gaan hulle jou vang. 

Onthou, niemand op die snelweg gaan vir jou plek maak nie.  Jy moet jou eie plek soek.  As jy jou flikker aansit, gaan die kar wat ‘n kilometer agter jou was versnel om seker te maak jy land nie voor hom nie.  Hier moet jy chiken speel.  Druk gerus in net waar jy wil, die ander karre het almal brieke.  Anders hoort hulle nie op die pad nie.  Onthou net asseblief van al die motorfietse wat op die lyn jaag.  Mense julle het spieëls, gebruik die goed.  Selfde geld as jy iemand verby steek. 

Ek het al van die kakiemonsters gepraat.  Maar elke motor rondom jou is ook ‘n spietkop.  Moenie dat hulle jou vang iets doen wat nie in hulle wetboek geskryf is nie.  Let wel, hulle wet en die land se wet is nie noodwendig dieselfde nie.

Herinner my as ek dalk iets vergeet het.  Ry veilig en sit daardie radio hard aan.

Blogvraag:  Wie is Wayne Minnaar?

Blogantwoord:  Sam was reg met 52 distrikte.