Terugkoms in koerante

Met die langnaweke wat voorlê, is dit nie iets waaraan ons wil dink nie, maar daar gaan ongelukke wees.  Daar gaan 5 Mei heelwat minder mense in Suid Afrika wees.

‘n Donker prentjie, maar een wat ons kan probeer voorkom.  Elke bestuurder weet wat goed is vir hom, ek gaan dit nie weer herhaal nie.  Of dalk tog net ‘n paar.  Moet nie drink en bestuur nie.  Moet nie drink en loop nie.  Moet nie roekeloos wees nie.  Maak seker jou kar is padwaardig. 

In plaas van preek, moet ons dalk ons ongeluk ervaringe met mekaar deel.  Ek was al in 3 ongelukke gewees.

Met die eerste een was ek 15 jaar oud gewees.  Ek was ‘n passasier in ‘n motor wat met ‘n bees kennis gemaak het teen 80 km / h.  Die bestuurder van die motor het daarop aangedring dat ons veiligheidsgordels moet dra.  Ek het reg agter haar gesit en het die veiligheidsgordel halfpad afgehaal om gemakliker te slaap.  In nabetraging, was ek baie gelukkig.  Ek het net ‘n blou oog en ‘n stukkende wang gekry in die ongeluk, die tannie wat bestuur het was in intensief.  As ek egter wakker was en regop gesit het, was ek daardie dag onthoof. 

Ongeluk 2 – ek het geld op straat ingesamel vir Jool.  Ek was 19 jaar oud en het tussen die rye motors gestaan.  Soos baie kere van te vore en baie kere daarna.  ‘n Taxi het my raak gery en weggejaag.  Geen erenstige beserings nie, ek het net my ligamente in my elmboog geskeur.  Vir ‘n paar weke was ek nie instaat om my eie skoene vas te maak nie. 

Ongeluk 3- Ek hou nie daarvan om hieroor te praat nie.  Ek was in my eerste werk en moes hulle uitstedig gaan verteenwoordig.  Oppad uit die dorp waar ek was, teen so 60 km / h het ‘n dronk vrou voor die werk se kar ingespring.  Ek voel nie skuldig oor die ongeluk nie, ek voel wel skuldig oor my optrede daarna.  Ek was ‘n gekwalifiseerde noodhulp beampte, maar behalwe om te kyk of sy lewe het ek glad nie verder hulp verleen nie.  Ek was te besig om myself te red en ek sal seker eendag dit gaan verduidelik.  Ek was gelukkig nie aangekla gewees nie.  Die vrou het haar been erenstig gebreek.

Blogvraag:  Wat is die wettige limiet van alkohol in jou bloed?

Blogantwoord:  Night Crawler was reg.

Veels geluk liewe Tinkerbell

Omdat jy verjaar

Mag die Here jou seën

En nog baie jare spaar.

Ons Tienkie is vandag 25